Khonoma Nature Conservation and Tragopan Sanctury

     Khonoma Nature Conservation and Tragopan Sanctuary (KNCTS)_____

      আমাৰ চুবুৰীয়া ৰাজ্য নাগালেণ্ড অপৰূপ প্ৰাকৃতিক 

সৌন্দৰ্য্যৰে ভৰপূৰ৷ প্ৰকৃতিয়ে নগাভূমিক সৃষ্টি কৰোতে, অকনো কৃপণালি কৰা নাই৷ নাগালেণ্ডৰ জুক’ উপত্যকালৈ বছৰি দেশী, বিদেশী অনেক পৰ্যটক আহে৷ আজি পিচে জুক’ৰ কথা নিলিখোঁ৷ 

        বহুতদিনৰ আগতে দূৰদৰ্শনৰ Travel xp নামৰ চেনেলটোত নগাভূমিৰ এখন গাওঁ দেখিছিলোঁ-- নাম খনমা৷ এই গাওঁ খন নাগালেণ্ডৰ ৰাজধানী কহিমাৰ পৰা মাত্ৰ ১৮ কিলোমিটাৰ দূৰত অৱস্থিত৷ এই গাওঁখন এছিয়াৰ সৰ্বপ্ৰথম সেউজ গাওঁ বুলি জনা যায়৷ ইয়াৰ ওচৰতে ২৫ বৰ্গ কিলোমিটাৰ এলেকা জুৰি গঠন হৈছে Khonoma Nature Conservation and Tragopan Sanctuary চমুকৈ KNCTS৷ এই সংৰক্ষিত বনাঞ্চল খন চালে চকুৰোৱা আৰু বিভিন্ন প্ৰকাৰৰ পক্ষীৰ ৰম্যভূমি৷ কোৱা হ’য়, ইয়াৰ বহু অঞ্চলৰ এতিয়াও আৱিষ্কাৰ হোৱাই নাই৷ ১৯৯৮ চনত এই বনাঞ্চলক অভয়াৰণ্য ঘোষণা কৰা হয়৷ এই অৰণ্যৰ বৈশিষ্ট্য হ’ল এইখন আমাৰ দেশৰ প্ৰথম জনসাধাৰণৰ দ্বাৰা সংৰক্ষিত বনাঞ্চল(First ever community conservation project in India)৷ আগতে নগাভূমিত প্ৰচুৰ চিকাৰ হৈছিল আৰু বন্যপ্ৰাণী চিকাৰ বৈধ আছিল৷ প্ৰত্যেক ঘৰতে চিকাৰ কৰা জন্তুৰ হাড়মূৰ সংৰক্ষণ কৰি থোৱা হৈছিল৷ কিন্তু 

লাহেলাহে তেওঁলোকে বুজি উঠিল যে, এইদৰে নীৰিহ জীৱজন্তুবোৰ মাৰি থাকিলে, এটা সময়ত বহুত জন্তু বিলুপ্ত হ’য় যাব৷ তেওঁলোকৰ পিচৰ প্ৰজন্মই এই জন্তু সমূহৰ বিষয়ে একো নাজানিব আৰু তেওঁলোকে চিকাৰ কৰা কমাই খেতিবাতি কৰাত মনোযোগ দিলে৷ KNCTS ক পশুপক্ষীৰ বাবে এখন অতি নিৰাপদ বনাঞ্চল বুলি গন্য কৰি হ’য় আৰু community conservationৰ  ইয়াত অতি অতি গুৰুত্বপূৰ্ণ ভূমিকা আছে৷ 

            এই বনাঞ্চলত তিনিপ্ৰকাৰৰ ভিন্ন বনভূমিৰ সমাহাৰ  দেখিবলৈ পোৱা যায়___Himalayan subtropical broadleaf forest, Northeast India- Myanmar pine forest আৰু Chin hills Arakan yoma montane forest৷ নাগালেণ্ডৰ ৰাজ্যিক পক্ষী ব্লাইথ’ছ ট্ৰগপান(Blyth's Tragopan)ৰ বাবে বিখ্যাত এই অৰণ্য৷ তদুপৰি Mountain bamboo partridge, Crested finchbill, Assam laughing thrush, Striped laughing thrush, spot breasted scimitar babbler,  Naga wren babbler, Flavescent bulbul আদি পক্ষীও ইয়াত প্ৰত্যক্ষ কৰিব পাৰি৷ ইয়াত থকা বিভিন্ন প্ৰকাৰৰ স্তন্যপায়ী প্ৰাণী সমূহ হৈছে-- Binturong,Serow, Jungle cat, Barking deer, Gayal, Pallas's squirrel, Himalayan stripped squirrel আদি৷

           নগাভূমিত বননি ধ্বংস আৰু চোৰাং চিকাৰ, প্ৰকৃতি সংৰক্ষণ আৰ বন্যপ্ৰাণীৰ জীৱনৰ প্ৰতি ডাঙৰ ভাবুকি যদিও খনমা অভয়াৰণ্য পশুপক্ষীৰ বাবে অতি নিৰাপদ স্থান হিচাপে গন্য কৰা হয়৷ ইয়াৰ প্ৰধান কাৰণ হ’ল এই অৰণ্যক জনসাধাৰণে সুৰক্ষা প্ৰদান কৰে৷

       স্মিতা ভাগৱতী

           গুৱাহাটী

         ৩০/৬/২১